Detaje të reja janë zbardhur nga atentati me dy të plagosur në fshatin Grudë e Re në Shkodër.
Mësohet se makina që është gjetur e djegur është e të plagosurve, e cila për shkak të breshërive të plumbave është përfshirë nga flakët.
Në automjet kanë qenë tre persona, dy prej të cilëve janë plagosur. Ndërkohë mendohet se janë dy autor që kanë qëlluar me armë zjarri automatik kallashnikov një sasi të konsiderueshme plumbash dhe janë larguar në drejtim të paditur.
Ngjarja ka ndodhur afër një lokali i cili ka kamera sigurie dhe policia po bën këqyrjen e tyre për identifikimin e autorëve.
Të plagosurit e atentatit janë Gjergj Ndershtiqaj 28 vjeç student në Akademinë e Sigurisë dhe kunati i tij 30 vjeç Gjon Nika.
Ata janë transportuar për në spital, ku po marrin ndihmë mjekësore.
