Denis (Granit) Kasaj, 44 vjeç, nga qyteti i Patosit, është vrarë me kallashnikov, ndërsa dy shokë të tij dy shokët e tij Elton Margariti nga Patosi dhe Klement Kastrati nga Fieri mbetën të plagosur rëndë mbrëmjen e djeshme.
Makina me të cilën po udhëtonin viktima dhe dy të plagosurit është gjetur e shkrumbuar, ndërsa autorët dyshohet të jenë larguar me një autoveturë që është gjetur po e djegur në fshatin Vajkan.
Deri tani policia ka hedhur dyshimet mbi aktivitetin e 42- vjeçarit Elton Margariti (i plagosur). Ky i fundit kishte vetëm dy ditë që ishte kthyer nga Holanda.
Nga burime të grupit hetimor dyshohet se ai kishte pasur konflikte në këtë shtet, për shkak të trafikimit të lëndëve narkotike.
Nuk dihet lidhja mes Margaritit dhe Denis Kasajt (viktima), i cili ishte kthyer nga Italia për festat e fundvitit. Megjithëse mbeti i vrarë, policia thotë se deri tani nuk ka të dhëna se Kasaj ka precedentë penalë të njohur.
Ndërkohë, edhe i treti person që ndodhej në makinë, Kelmend Kastrati, nga Fieri, kishte pasur më parë probleme, pasi në vitin 2008, ai plagosi dy vëllezër për shkak të një sherri për parkimin.
Nga ana e policisë po hetohet me intensitet për këtë krim të radhës në vend, ku dyshimet janë sërish për eliminime për shkak të drogës. Në vend u gjetën dy armë kallashnikov, njëra prej të cilave mendohet se u përket autorëve të krimit. /panorama/
