Dy shqiptarë kanë rënë pre e një atentati të ndodhur mesditën e kësaj të diele në kryeqytetin grek, Athinë.
Mediat fqinje raportojnë se sulmi me armë ka ndodhur jashtë një kafeneje në zonën e Thrakomakedones.
Ngjarja ka ndodhur jashtë një dyqani që ndodhet në kryqëzimin e rrugëve Aristotelous dhe Komotini. Deri më tani bëhet me dije se ka ndërruar jetë një prej tyre, ndërsa një tjetër ka mbetur i plagosur.
Sipas informacioneve, i vrarë ka mbetur Irakli Davella, 45 vjeç, i cili konsiderohej një përsonazh i lidhur prej vitesh me botën e krimit në Greqi.
Ai rezulton të ketë qenë miku i 3 personazheve të tjerë të ekzekutuar në Greqi vitet e fundit, konkretisht mafiozëve grekë Manolis Karagiannis, Vasili Griva dhe Giorgo Litsa.
Tre të fundit bashkë me Davellën kishin krijuar vite më parë një grup kriminal që vepronte në Athinë.
