Kryeministri Edi Rama ka reaguar lidhur me plagosjen e kryeministrit sllovak, Robert Fico ditën e sotme.
Nëpërmjet një postimi në rrjetet sociale, kreu i qeverisë shkruan se është tronditur nga ngjarja e rëndë dhe i uron shërim të shpejtë homologut Fico.
“I tronditur nga lajmi i sulmit të tmerrshëm ndaj Kryeministrit të zgjedhur të Sllovakisë, një i mbijetuar i madh dhe mik i dashur të cilit i uroj shërim të shpejtë dhe një rikthim spektakolar”, shkruan Rama.
Kryeministri Fico është në gjendje të rëndë shëndetësore, te ndodhet në spital nën kujdesin e mjekëve.
