Vlora u trondit këtë të dielë nga një atentat, me dy të vdekur dhe një të plagosur. Sipas policisë lokale atentati ndodhi në zonën e “Ujit të Ftohtë” dhe plumbat i morën jetën: Orest Rexho dhe Arjan Hasani, ndërsa i plagosur ka mbetur Armando Sulejmani.
Një prej viktimave u gjet i pajetë brenda një makine të ndaluar, kurse viktima tjetër i shtrirë në rrugë. Ndërkohë, policia ka gjetur në fshatin Babicë një automjet në flakë, që dyshohet se është përdorur nga autorët. Ndërkohë i plagosuri Armando Sulejmani nuk është një emër i panjohur për policinë.
Në maj të vitit 2016, ai i ka shpëtuar një atentati në hyrjen e pallatit ku banonte. Sulejmani u plagos në dorë, ndërsa errësira ndihmoi 2 atentatorët e maskuar, në atë kohë, të largohen menjëherë nga vendi i ngjarjes. Armando Sulejmani njihet me nofkën “Çipuri” dhe është anëtar i bandës së Gaxhait. Ai ka qenë i dënuar më parë me 20 vite burg.
LEXO EDHE: Detaje/ Dy të vdekur në Vlorë, si ndodhi atentati
