Telefoni celular dhe karta brenda tij, që u gjetën të mbështjella në eksplozivin e vendosur poshtë makinës së biznesmenit Nuredin Suli, janë blerë në tregun e zi.
Lajmi konfirmohet nga burimet pranë Policisë së Shtetit, të cilët pas verifikimeve të kryera në kompanitë e telefonive lëvizëse, kanë zbuluar se si aparati celular ashtu edhe SIM-karta rezultojnë se janë shitur dhe blerë në tregun e zi.
Mësohet se janë pyetur përsonat që kishin në përdorim aparatin cellular para se të gjendet posht mjetit e lidhur me eksploziv, por pronari ka preteduar se e ka shitur muaj më parë pranë tregut te Posta Shqiptare. Edhe SIM karta rezulton e regjistruar në emër të një personi nuk ka lidhje me ngjarjen dhe që mohon faktin se ka pas ndonjëherë një numër të tillë. Burimet thonë se nga kqyrja e kartës së telefonit, rezulton se numri është aktivizuar një ditë para ngjarjes dhe ka një thirrje të humbur.
Nuk dihet nëse kjo thirrje është bërë për të aktivizuar shpërthimin apo për të provuar nëse punon apo jo numri telefonit. Ndërkohë që eksplozivi ka qenë i lidhur me natriban në një sipërfaqe magnetike e cila është ngjitur posht makinës së biznesmenit Nuredin Suli. Por hetuesit thonë se nga tronditja e makinës, magnetin e ka lëshuar dhe sasia e eksplizivit ka rënë në dalje të parkigut.
Gjatë marrjes në pyetje, mësohet se Nuredin Suli ka pretenduar se ky atentat i dështuar ndaj tij është bërë nga njerëzit me të cilët është në hasmëri pasi nuk ka konflikte me persona të tjerë.
Mësohet se janë shoqëruar dhe marr në pyetje personat për të cilët Sulii pretendonte por ata kanë mohuar se kanë gisht në këtë ngjarje, duke dhënë edhe alibit e tyre për vendndodhjen në momentin e ngjarjes.
Sipas prokurorië, dyshohet se personi që i ka vendosur sasin e eksplozivit poshtë makinës, është paguar për të kryer këtë akt kriminal. Gjithashtu, dyshohet se eksplozivi është vendosur në parkingun e qendrës, pistë për të cilën, hetuesit thanë se po verifikojnë kamerat e sigurisë për shkak se parking është i monitoruar. /abcnews/
