Një konflikt i disa ditëve më parë dyshohet se u bë shkak i plagosjes me armë të 54-vjeçarit Agron Puka.
Ngjarja ndodhi mëngjesin e sotëm, pasi 54-vjeçari ka dorëzuar nxënësit që po transportonte, në shkollë.
Sipas hetimeve paraprake, dyshohet se autorë kanë qenë katër persona, por vetëm njeri prej tyre ka qëlluar me armë zjarri.
Ngjarja ka krijuar frikë dhe panik te nxënësit dhe mësuesit e shkollës 9-vjeçare Marash Gjoni në Rrilë, pasi janë rrezikuar nga të shtënat me armë.
Puka ka marrë një plumb në krah dhe aktualisht, ndodhet në spital, jashtë rrezikut për jetën.
