Një ditë pasi i vunë tritol në automjet, kreu i PD-së, në Bashkinë e Vaut të Dejës, Benard Ndreca ka deklaruar se nuk ka kërkuar mbrojtje nga Policia.
Ai ka theksuar sërish në një intervistë në Klan News, se atentati ndaj tij është një akt politik ndërsa ka thënë se nuk ka asnjëlloj piste pasi thotë se po i heton Policia.
Intervista
Pyetje: Nga të dhënat e policisë thuhet se qëllimi i vendosjes së eksplozivit në automjetin tuaj kishte si qëllim eliminimin tuaj fizik. Ju, a keni dyshime tuaj se kush mund ta kërkojë eliminimin tuaj fizik?
Benard Ndreca: Unë jam njohur në media nga këto të dhëna sepse mua nuk më ka komunikuar askush në mënyrë zyrtare përsa i përket rastit tim, përveçe kam dhënë një deklaratë në Policinë e Shkodrës. Unë e kam thënë edhe dje se unë nuk kam pasur dhe nuk kam asnjëlloj konflikti dhe dyshimet të çojnë vetëm në politike, drejtimi shkon drejt aty. Kjo është një shkallë e rëndë që i bëhet një kryetari të PD-së, një ndër to jam edhe unë. Unë nuk kam asnjëlloj piste, këto po i heton policia. Ky është një akt që më është bërë në mënyrë politike.
Pyetje: Ju vetë, çfarë i keni thënë Policisë kur jeni marrë në pyetje në media?
Benard Ndreca: Këto që kanë paraqitur kamerat, vetëm të vërtetën dhe i kam kërkuar Policisë që të zbardhet ngjarja.
Pyetje: Policia thotë se ngjarja kishte si qëllim eliminimin tuaj fizik, a jeni në mbrojtje tani nga Policia?
Benard Ndreca: Unë nuk kam kërkuar mbrojtje nga Policia sepse ato më janë ofruar mbrojtje, por unë nuk kam kërkuar mbrojtje sepse unë nuk kam asnjëlloj konflikti dhe nuk kam pse të kem mbrojtje pavarësisht se cili ka qenë qëllimi dashakeqës aty me një organizim mafioz që më është bërë mua, por nuk kam kërkuar që të kem një mbrojtje të atillë.
