Ish-kryeministri Sali Berisha ka reaguar lidhur me atentatin e ndodhur mbrëmë në Vlorë, ku humbi jetën një 41-vjeçar.
Nëpërmjet një postimi në rrjetet sociale, Berisha fajëson qeverinë për sigurinë në vendin tonë.
Ndër të tjera, ai shkruan në postimin e tij se “Shqipëria është vend që ka hequr dënimin me vdekje, por Edi Rama ka liçensuar bandat për zbatimin e tij”.
“Përgjaket Vlora. Turizëm dhe ekzekutime. Rendi në duart e krimit! Ekzekutohet nga dy vrasës 41 vjeçari. Moto: Hëngshin kokat e njëri-tjetrit! Të dashur miq, mbrëmë u ekzektua nga dy vrasës 41 vjeçari. Si zakonisht, vrasësit u larguan në drejtim të paditur, dhe dogjën aty ku deshën makinën nga e cila qëlluan viktimën! Policia njoftoi ministrin se banditët po i hanë kokën njëri-tjetrit, në përputhje me porosinë e “krim-ministrit.” Shqipëria është vend që ka hequr dënimin me vdekje. Por Edi Rama ka liçensuar bandat për zbatimin e tij”, shkruan Berisha.
