AMP ka arrestuar 4 punonjës të policisë Shkodër, pasi akuzohet për shpërdorim detyre lidhur me atentatin me katër viktima në Dobraç më 30 tetor.
Mësohet se arrestimi i tyre është bërë orët e para të mëngjesit të sotëm, ndërsa ende pritet njoftimi zyrtar i AMP.
Burime bëjnë me dije se në pranga kanë rënë, Marta Martini, Blerim Kurmetaj, Viktor Logu dhe Juljan Sterkaj.
Kujtojmë se pak ditë më parë AMP ka kallëzuar në Prokurori disa prej efektivëve të Policisë së Shkodrës nën akuzën se shpërdoruan detyrën, pasi sipas AMP, nuk ndaluan personin e tretë që ndodhej në makinë me dy viktimat, Hamza Lici dhe Arlind Bushati.
Ndërkohë Prokuroria e Shkodrës ka shpallur moskompetencën, duke ia kaluar dosjen Prokurorisë së Posçme (SPAK), për shkak se ka dyshime se ngjarja është kryer nga një grup i strukturuar kriminal.
