Një atentat me një të vrarë dhe dy të plagosur tronditi vendin pas mesnatës të së hënës në fshatin Larushk të Krujës.
Viktimë e atentatit mbeti shtetasi Ramazan Sino, 29 vjeç, ndërsa u plagosën 2 fëmijët e mitur 10 dhe 13 vjeç të shtetasit Gentjan Bejtja, i cili dyshohet të ketë qenë shenjestra e atentatit.
Policia më herët bëri me dije se janë ushtruar kontrolle në tree banesa dhe janë shoqëruar tre persona lidhur me ngjarjen.
Ndërkaq, abc neës mëson se kontrollet janë ushtruar në banesat e të fortëve të Niklës, Urim e Valter Bami dhe Markelin Haka. Këta të fundit po ashtu janë shoqëruar në komisariat.
Gentian Bejtja, një ish-punonjës i policisë së burgjeve, njihet nga strukturat e policisë për backgroundin e tij kriminal dhe hasmërinë e krijuar me disa grupe kriminale të Fushë-Krujës me të cilët kishte qenë më parë në miqësi.
