Ditën e sotme u arrestua nga Policia një punonjës i SHISHit, Florian Bushi, i cili dyshohet se ka informuar Ilir Memushajn në lidhje me vendndodhjen e viktimës Kasaj dhe dy personat e tjerë me të cilët ai udhëtonte, Klemend Kastrati dhe Elton Margariti.
Kështu, burime brenda Policisë thonë se agjenti i SHISHit u zbulua pas arrestimit të Ilir Memushajt, i cili rrëfeu se objektivi i atentatit të ndodhur në Levan ishte Klemend Kastrati.
Në telefonin celular të Memushajt u gjetën materiale dhe sms që nxirrnin zbuluar agjentin e SHISHit, i cili dukshëm i kishte dhënë informacione Memushajt se ku ndodhej Klemend Kastrati./ Panorama.al
