Një 39-vjeçar shqiptar është qëlluar me armë zjarri, në provincën e Raguzës në Itali.
Mediat e huaja shkruajnë se shqiptari me dokumentacion të rregullt në shtetin italian është qëlluar me 7 plumba.
I plagosuri është dërguar me kod të kuq menjëherë në urgjencën e spitalit Guzzardi di Vittoria, ndërsa raportohet se është jashtë rrezikut për jetën.
Sakaq, autoritetet kanë mbërritur në vendngjarje për të rindërtuar dinamikën dhe për të identifikuar autorin që qëlloi me armë zjarri ndaj shqiptarit.
