Kreu i Partisë Demokratike, Lulzim Basha ka mbërritur rreth orës 9:30 minuta në selinë e kësaj force politike. Prej këtu, lideri i PD-së pritet të dalë rreth orës 11:00, për t’u bashkuar me protestuesit në bulevardin “Dëshmorët e kombit”, para kryeministrisë.
“Askush nuk mund ta ndalë protestën”, tha Basha për gazetarët, teksa po hynte në zyrën e tij, për t’u dhënë dorën e fundit përgatitjeve për protestën e opozitës së bashkuar.
Pyetjes së gazetarëve, nëse ka ndonjë mesazh për kryeministrin Edi Rama, kreu i PD-së iu përgjigj: Mesazhin do ta shohë në shesh. Po ashtu dhe kryetarja e LSI-së, siç mëson Opinion.al, Monika Kryemadhi ndodhet në selinë e saj.
