Akuzat e publikuara fillimisht në “New York Times”, i referohen një rasti të mundshëm në një hotel në Kaliforni, në vitin 2013, kur Bennett ishte 17 vjeç. Sipas artikullit, Argento e kishte zgjidhur kërcënimin e një kauze ligjore nga ana e Bennett, që tani është 22 vjeç, duke e paguar në tetor me 380.000 dollarë.
“Jam thellësisht e shokuar dhe e lënduar kur lexova artikullin, lajm komplet fals. Nuk kam pasur asnjë lidhje seksuale me Bennett”, – deklaroi Asia Argento në një prononcim për “The Guardian”.
Argento deklaroi se ajo dhe Bennett janë vetëm miq. Akuza e Bennett vjen pas asaj të aktores italiane për dhunë seksuale ndaj producentit amerikan Harvey Weinstein. Argento tha se Weinstein e sulmoi në një dhomë hoteli në Cannes, Francë, në vitin 1997.
