Në Shqipëri nuk ka patur ligj që dënonte prindërit, por me sa duket modelet europiane do të aplikohen tani edhe në vendin tonë. Ministri i Mirëqenies Sociale, Blendi Klosi tha se me ndryshimet ligjore do të ketë më shumë të drejta për fëmijët. I pranishëm në Komisionin e Integrimit, Blendi Klosi u bëri thirrje mjekëve, mësuesve apo dhe edukatorëve që të raportojnë nëse evidentojnë fëmijë të dhunuar nga prindërit.
Madje tha ai, do të ketë pezullim nga detyra nëse punonjësit e shtetit nuk e denoncojnë dhunën e ushtruar në ambientet ku punojnë apo fëmijë që janë dhunuar në familje.
Prindërit që ushtrojnë dhunë në mënyrë sistematike ndaj fëmijëve do të rrezikojnë të drejtën e prindërimit, tha Klosi.
