Opozita ka akuzuar mazhorancën sot gjatë gjithë paradites në parlament lidhur me rritjen e hektarëve të mbjellë me hashash. Saimir Tahiri ka marrë fjalën duke iu kthyer Berishës dhe të tjerëve po me akuza.
Kundër Tahirit ka qenë edhe kreu PBDNJ, Vangjel Dule i cili tha se ministri po bën vetëm rolin e konstatuesit dhe jo të luftuesit të fenomenit.
Dule: Cili është roli juaj zotëri, konstatues, apo luftues i fenomenit, dilni këtu e bëni konstatime, më nxirrni statistikat që nxori kryeministri para ca seancash e më thoni se meqë Berisha nuk ishte i suksesshëm unë do jem pjesërisht i suksesshëm. Ne po shkojmë për vit e më keq. E transportonin me mushka, po transportohet me avionë, a e kuptoni?
Tahiri-Dules: Ku ke qenë në 2008 Vangjel, ku i ke pasur sytë, në Gjirokastër, jashtë Tepelenës, në fshatra anës rrugës, Jozefinë ku i ke pasur sytë, pse ske shkuar te kryeministri jot ta denoncosh?
Tahiri-Berishës: Si je katandisur të bësh manovra me fotoshop duke denoncuar arat e Saje Qorrit, Edvin Shullazit e me radhë. Ju djeg shumë e shkuara dhe nuk përballoni dot ta kuptoni se cfarë bëjmë, ne nuk bëjmë dot atë që keni bërë ju, fshihuni ku të doni, te gjethja, te thesi i miellit
Tahiri për luftën ndaj kanabisit: Ka shkuar në 99% kanabisi i shkatërruar në cdo cep të vendit. “Kush është karteli i drogës tani, ne që shkatërrojmë 99% aop këta që shkatërronin 7%? Kemi një problem me kultivimin, që shkon përtej policisë, që duhet adresuar në nivelin më të lartë politikë, së paku në parlament, problem që s’zgjidhet vetëm nga policia, policia rrezikon të shpenzojë gjithë buxhetin brenda shtatorit vetëm për shkak të aksionit antikanabis në cdo cep të Shqipërisë. Ne i hymë një sfide që kërrkush më parë s’i hyri”, tha Tahiri.
