Mbi 2400 rrënjë kanabisi janë asgjësuar në Shkodër pas një operacioni të policisë. Droga e gjet pas kontrolleve në disa njësi administrative të ndryshme të qarkut të Shkodrës.
Në Pult, Shalë dhe Postribë u asgjësuan 606 bimë kanabisi. Në Shkrel u asgjësuan 531 bimë kanabisi ndërsa në Shllak të Vaut të Dejës 1312 bimë kanabisi.
“Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike”, njoftoi policia e cila paralajmëroi se kontrollet në terren do të vijojnë ndërkohë.
