NGA DESADA METAJ
Ajo është nga të paktat, në mos e vetmja politikane shqiptare në Maqedoni që njihet mirë edhe në Shqipëri. E mirëshkolluar, me një shqipe të pastër dhe e artikuluar, ajo ka qenë shpeshherë e ftuar në emisione të ndryshme në TV shqiptare ku nuk ka mbetur pa u pëlqyer dhe për pamjen e saj të jashtme.
Nëna e një djali të vogël dhe e divorcuar prej pak kohësh, Ermira Mehmeti ka qenë shumë aktive dhe në jetën politike të Maqedonisë, ndonëse muajt e fundit është ndeshur me probleme dhe në partine ku ka milituar prej shume vitesh, BDI.
Dhe atëherë kur të gjithë po prisnin se cili do të ishte pozicioni i saj ne zgjedhjet e muajit të ardhshëm në Maqedoni, një audio me sfond seksual i supozuar mes saj dhe zvkryeministrit Musa Xhaferri, ka shkëputur vemendjen nga problematika e aleancave të partive shqiptare drejt erotikës politike.
Dhe kur ky publikim bëhet nga një gazetar maqedonas, dyshimet rriten edhe më shumë jo vetëm për vërtetesinë, por dhe për momentin apo mënyrën se si përgjohen dhe përdoren përgjimet si shantazhe ndaj politikanëve.
Përtej indiferencës për atë çfarë ndodh me shqiptaret e Maqedonise (nuk gjen gjekundi një lajm për zgjedhjet e parakohshme dhe të rëndësishme të prillit), lajmi për audioskandalin e supozuar u botua dhe mori mijra klikime edhe nga shqiptarët e Shqipërisë.
Sigurisht që një ngjarje nga ato që rendom percaktohen si “roze” kanë interes të madh. Për me teper kur bëhet fjalë për një grua të zonjen dhe simpatike.
Por pakkush u interesua të marrë vesh të vertetën e ngjarjes, çfarë fshihet pas publikimit dhe se sa të lënduar veç fëmijëve të protagonistëve mund të kishte kjo bisede erotike e dyshimte.
Të etur ende pas 20 vitesh për të lexuar te fshehtat e bisedave erotike, shqiptarët edhe njëhere i lanë hapësire medias të hedhë jetën private të politikaneve si kerma që u hidhet ujqërve të uritur.
Përtej të vertetës që ende nuk ka dale ne shesh, bëhet fjalë për një bisede private që nuk është bërë as në selinë e parlamentit dhe as në zyrat e partisë së protagonisteve. Përpos përgenjeshtrimit që të dy politikanët i kanë bërë ngjarjes, behet fjale për një përgjim të paligjshëm nga ata që kërkojnë zhdukjen e shqiptarëve nga Maqedonia.
Dhe përtej moralit të shtirur të një shoqërie në krizë, bëhet fjalë për një grua të lirë dhe një burrë të martuar, që në fund të fundit nuk janë votuar për sjelljen e tyre erotike, por për atë që mendohet se duhet të bëjnë për shqiptarët e Maqedonisë.
Dhe nëse duhen gjykuar për këtë,biseda dhe në qofte e vertetë, është element që nuk ndikon në vorbullën e shëmtuar dhe kaotike që prej me shumë se 10 vitesh i ka lënë në mizerje shqiptarët e Maqedonisë.
