Disa prej socialistëve të vjetër, të larguar pas ardhjes së Ramës në krye të PS janë rikthyer në strukturat e partisë. Në Asamblenë e PS që po zhvillohet sot janë pranuar si anëtarë Et’hem Ruka, Ilir Zela, Bukurosh Stafa dhe Luan Hajdaraga.
Ndërsa përsa u përket drejtuesve, mësohet se Taulant Balla dhe Luljeta Dollani janë zgjedhur në postet e n/kryetarëve të asamblesë së re. Ndërsa Ulsi Manja u zgjodh Sekretar i asamblesë. Ervin Bushati është zgjedhur Kryetar i Këshillit Mbikqyrës të Financave të Partisë Socialiste.
Të rikthyerit
Luan Hajdaraga ka qenë ish-ministër i Mbrotjes, Et’hem Ruka ish-ministër Arsimit.
Bukurosh Stafa ka qenë drejtor i Kombinatit Metalurgjik Elbasan, Shoqërisë Albkrom Sh.A., dhe deputet.
Ilir Zela, ish-deputet i PS dhe drejtues në disa institucione, si AKEP. Ndër më të vjetrit në PS.
