Kryeparlamentarja Elisa Spiropali ka reaguar pas Asamblesë Kombëtare të PS-së, nga ku u bënë publike emrat e rinj të drejtuesve politikë të qarqeve, me të cilat PS do të shkojë në zgjedhjet e 2025.
Spiropalit iu besua drejtimi politik i fushatës së qytetit të Tiranës, në bashkëpunim me Erion Veliajn dhe Ogerta Manastirliun.
Përmes një postimi në rrjete sociale, Spiropali shprehet se është e nderuar për marrjen e detyrës së drejtimit politik në qarkun e Tiranës.
Ajo thekson se edhe këtë herë objektivi i tyre do të jetë fitorja.
“Asambleja e Partisë Socialiste, platformë e vizionit të një Shqipërie moderne, progresiste e europiane.
E nderuar të marr detyrën e drejtimit politik në qarkun e Tiranës së bashku me Erion Veliajn dhe Ogerta Manastirliun. Edhe këtë herë, ashtu si ngaherë: për fitore!
Qarku i Shkodrës do të ketë gjithnjë një vend të veçantë tek unë. Urime dhe suksese të gjithë të zgjedhurve në Kryesi dhe Sekretariat”, shkruan Spiropali./Opinion.al
