Ministrja e shëndetësisë Albana Koçiu ka reaguar pasi u zgjodh anëtare e kryesisë në asamblenë e PS.
Përmes një postimi në rrjete sociale, ajo shkruan se kjo forcë politike, po shkon më e fortë dhe e qartë, drejt fitores së mandatit të katërt të qeverisë.
“Me Partinë Socialiste, forcën e vetme politike në që mund t’i mbajë gjithmonë ndezur motorrët e zhvillimit e të krijimit të një Shqipërie europiane.
Me familjen e madhe, ndaj anëtarëve të së cilës ndjehem mirënjohëse e falenderuese për besimin që më dhanë, duke më bërë pjesë të Kryesisë së Partisë Socialiste.
Me ekipin e duhur, për të kontribuar për vizionin “Shqipëria 2030” e Kryeministrit dhe Kryetarit të Partisë Socialiste Edi Rama.
Me forcën politike, që po shkon më e fortë dhe e qartë, drejt fitores së mandatit të IV qeverisësë, për të përfunduar me sukses nismat e ndërmara e për të nxitur politika të reja zhvillimi, për vendin dhe njerëzit tanë”, shkruan Koçiu./Opinion.al
