Ish-ambasadori i Shqipërsië, Aleksandër Arvizu ka marrë një post të rëndësishëm në administratën Trump. Ai është zv. Ndihmës i Sekretarit Amerikan të Shtetit për Çështjet e Trafikut Ndërkombëtar Narkotik. Sot Arvizu po zhvillon një vizitë zyrtare në Tiranë. Në fillim ka takuar kreun e PD-së, Lulzim Basha dhe më pas kreun e Kuvendit, Ilir Meta. Gjatë ditës pritet të ketë takim edhe me Kryeministrin Rama.
Lidhur me takimin që zhvilloi me Metën, zyra e shtypit informoi se
Arvizu i cili shoqërohej dhe nga ambasadori Donald Lu, u shpreh i shqetësuar për krizën politike në Shqipëri.
“Kryetari i Kuvendit u shpreh se Shqipëria e vlerëson mbështetjen amerikane në drejtim të sundimit të ligjit dhe nënvizoi se vendi ka nevojë për dialog e përgjegjshmëri për të garantuar zgjedhje të lira”, njofton zyra e shtypit pranë Kuvendit. /Opinion.al
