Gazetari Artan Hoxha ka treguar se shuma e grabitur e parave në Qaf Kashar, ditën e sotme, e kalon shifrën e 100 mijë eurove.
Hoxha tha se ka qenë në vendngjarjen e grabitjes së dy automjeteve në rrugën e Rinasit, përpara se të mbërrinin hetuesit e policisë.
Hoxha tha për “News24” se në transportime të tilla lëvizen më shumë se 1 milion euro ndërsa në njërën prej makinave ka patur edhe disa arka me numra, brenda së cilave mund të ketë patur monedha ari apo bizhuteri të shtrenjta.
Hoxha:
Bëhet fjalë për vlera të mëdha monetare, shifra 100 mijë euro është shumë e vogël. Këto ngarkesa e kalojnë gjithnjë mbi 1 milion euro. Janë kursime të shqiptarëve që depozitohen jashtë shtetit.
Dyshimet janë që pjesa dërmuese e parave ka qenë të makina e parë. Në makinën e parë ka patur vetëm dy punonjës, në të dytën kanë qenë tre.
Në makinë kanë gjetur disa akra të bankave, ato ishin të hapura. Ato nuk ishin arka që i përdor policia private. Se çfarë kanë patur brenda mund të kenë qenë monedha ari, por edhe bizhuteri.
