Deputetja e Partisë Socialiste Arta Dade ka treguar përplasjet me kryeministrin Rama. E ftuar në “Pasdite në TCH”, Dade ka treguar se përse është përplasur me Ramën. “Kam kritikuar jashtëzakonisht Ramën kur tejkaloi kufijtë me Mimoza Hafizin dhe shumë kohë nuk shkova ne mbledhjet e grupit”, u shpreh deputetja socialiste.
Në lidhje me marrëdhëniet me kolegët e tjerë, Dade u ndal tek deputeti Gramoz Ruçi. “Gramozi nuk më ngarkonte me detyra, sepse e shikonte në aspektin që gratë nuk mund të punojnë sa burrat, edhe pse ai ka qenë ndër mbështetësit e mi më të mëdhenj”, tha ajo.
