Arsyeja pse anëtarët e familjes mbretërore nuk nënshkruajnë kurrë autografe

Edhe pse së jashtmi jeta në pallatin mbretëror mund të na duket vetëm sukses e madhështi, në realitet ka një sërë rregullas të rrepta që detyrojnë anëtarët e familjes të privohen nga shumë gjëra. Duke filluar nga ndalimi i konsumimit të produkteve të detit në tërësi, e deri tek etika e veshjes, protokolli i oborrit mbretëror është më i rreptë nga se e mendojmë. E mbani mend kur folëm për rregullin e mbajtjes së dorezave në daljet publike? Eh, Lady Diana ishte ajo e cila nuk mund ta respektonte një etikë të tillë, e vendosi të bënte një kthesë në këtë drejtim. Nga ana tjetër, Kate Middleton e Princ William nuk janë zbatues 100% të rregullave, por sa për rebelim, e kemi thënë me dhjetëra herë se kush është ‘bëmë mama të të ngjaj’ (Harry, Harry!) Së fundmi, zbulohet se me protokoll ndalohet rreptësisht nënshkrimi i autografëve. I zbatuar për shekuj të tërë, siç mund të kuptohet një vendim i tillë është marrë për arsye sigurie, e mbrojtje të firmës ndaj mosfalsifikimit. Sa herë fansat zgjasin ndonjë foto apo fletë për Princ Charles,  ky i fundit përgjigjet me një frazë të vetme: “Më vjen shumë keq, por ma kanë ndaluar ta bëj”. Megjithatë, Charles ishte ai që e theu vetëm një herë këtë rregull në 2010 për një familje në nevojë, të cilëve iu dhuroi një copëz letër me nënshkrimin “Charles 2010″…/Bordo