Pas zyrtarizmit të Granit Xhakës si lojtar i Arsenalit, klubi nga ‘Emirates Stadium’ kishte bërë të ditur se mesfushori shqiptar do të bartë numrin 16 në fanellë.
Pas kësaj, të shumtë ishin tifozët që kishin porositur fanellat me atë numër, por tani Xhaka do të bartë numrin 29, për shkak se ka lindur më 1992, dhe dy numrat e fundit të vitit nëse i kthejmë mbrapa del pikërisht 29.
Përmes sajtit zyrtarë, drejtuesit e Arsenalit u kanë kërkuar falje tifozëve, duke thënë se fanellat e porositura me numrin 16, do t’u konvertohen në 29.
“Më herët kemi njoftuar se Xhaka do të veshte fanellën me nurin 16. Tifozët të cilët i kanë porositur fanellat me emrin dhe numrin e tij origjinal përmes “Arsenal Direct” apo në dyqanet e Arsenalit, automatikisht do të prodhohen me numrin e ri, 29. Ne u kërkojmë falje për çdo shqetësim që kjo u ka shkaktuar, por shpresojmë se tifozët i kuptojnë rrethanat e veçanta në këtë rast”, shkruhet në sajtin e Arsenalit. /Express/
