Arsenali është fituesi i Superkupës së Anglisë. Finalja u zhvillua në Ëembley, ku Arseali u shpall fitues kundër Manchester City-t.
Koha e rregullt u mbyll me rezultatin 1-1, ndërsa më pas penalltitë çuan drejt fitores “topçinjtë” e drejtuar nga Mikel Arteta.
Tranjeri Mikel Arteta arriti të fitojë kështu trofeun e dytë të Superkupës, në krye të Arsenal duke mundur mikun e tij, Guardiola.
Pjesa e parë u mbyll pa gola edhe pse Havertz pati dy raste shumë të mira. Përballja u zhbllokua në minutën e 77 për Manchester City, me të riun Palmer që shënoi pas vetëm 14 minutash në fushë.
Kur dukej se trofeu do shkonte në Manchester, Trossard në shtesë barazoi ndeshjen.
Pas kohës së rregullt ndeshja u drejtua menjëherë te penalltitë, aty ku Arsenal u tregua më i saktë duke fituar 4-1. Për City-n shënoi vetëm Silva, teksa gabuan De Bruyne dhe Rodri.
