E shtuna e javës së shtatë të Premier League nuk ishte dita e Manchesterëve.
“Qytetarët” pas eliminimit nga Kupa në mesjavë, pësuan një goditje edhe në kampionat, këtë herë ndaj Wolves, i cili fitoi në shtëpi me rezultatin 2-1.
United nuk arriti të përsërisë fitoren e mesjavës në Crystal Palace, e cila mori hakun duke i mundur “Të kuqtë” në shtëpi me rezultatin 0-1.
Ndërkohë, që vijon performanca shumë e mirë e Arsenal, i cili fitoi pastër në transfertën përballë Bournemouth 0-4 dhe vihet në ndjekje të vendit të parë i cili mbahet ende nga City me 1 pikë më shumë.
Në ndeshjet e tjera të kësaj të shtune, Newcastle fitoi 2-0 ndaj Burnley, me të njëjtin rezultat fitoi dhe West Ham ndaj Sheffield United, teksa Everton u mund në shtëpi 1-2 nga Luton.
