Policia ka zbuluar arsenal armësh dhe municion luftarak në një stallë bagëtish në fshatin Starovë të Pogradecit, që dyshohet se do të trafikoheshin në Maqedoninë e Veriut.
Paraprakisht bëhet e ditur se shtetasit Alti Jasharllari posedonte në banesën e tij një arsenal armësh dhe i zbuluan gjatë kontrollit të ushtruar në ambientin e një stalle bagëtish, e cila ndodhej në afërsi të banesës së tij.
Në stallën e bagëtive u gjetën: Një mitraloz i lehtë; një armë zjarri tip automatik; dy pushkë gjysmëautomatike; një sasi e konsiderueshme municioni luftarak; krëhëra automatiku, pushke dhe mitralozi; 1 gjerdan mitralozi me 30 fishekë; një granatë dore ofensive; pjesë të lëvizshme të pushkës, të cilat u sekuestruan në cilësinë e provës materiale.
40-vjeçari rezulton i dënuar më parë për veprën penale “Prodhimi dhe shitja e narkotikëve”, u vendos në prangat e policisë./Opinion.al
