Autoriteti Rrugor Shqiptar ka njoftuar për situatën në akset rrugore në vend pas motit të ftohtë dhe reshjeve të dëborës në disa qarqe të vendit.
Në një njoftim në rrjetin social “Facebook”, ARRSH thotë se gjatë natës dhe në mëngjes reshje dëbore ka pasur vetëm në Llogara ku është punuar për pastrimin dhe shpërndarjen e kripës.
Po ashtu ARRSH bën me dije se qarkullimi vijon pa probleme në të gjitha akset nacionale.
Ndërkaq, apelon për drejtuesit e mjeteve që të pajisen me goma dimërore dhe zinxhirë kur udhëtojnë për në segmentet me prezencë dëbore.
“Gjatë orëve të natës dhe në mëngjes reshje dëbore ka pasur vetëm në Llogara ku është punuar për pastrimin dhe shpërndarjen e kripës.
Temperaturat kanë qenë të ulëta, deri në -7 në zonat malore.
Grupet e punës të mirëmbajtjes kanë punuar pa ndërprerje në të gjitha akset me prezencë dëbore për shpërndarjen e kripës me qëllim evitimin e ngricave.
Qarkullimi vijon pa probleme në të gjitha akset nacionale.
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”-njofton ARRSH.
