Numri i viktimave në protestat në Irak ka arritur në 42, pasi zyrtarët qeveritarë në jug të vendit u shprehën se 12 protestues ndërruan jetë si pasojë e një zjarri që kishin ndezur gjatë protestës së 25 tetorit.
Protestat anti-qeveritare nisën sërish më 25 tetor, ndërkohë që protestat e mëparshme të ndërmarra gjatë këtij muaji ishin shtypur nga autoritetet, që kishin përdorur dhunë ndaj protestuesve.
Në Bagdad më 26 tetor, protestuesit u mblodhën në ‘Sheshin Tahrir’, por ende nuk ka raportime për dhunë.
Pothuajse 200 persona janë vrarë gjatë muajit të kaluar në protestat kundër korrupsionit, papunësisë dhe mungesës së shërbimeve publike.Ushtria e Irakut ka pranuar se ka përdorur “forcën” ndaj protestuesve si dhe “do të mbajë përgjegjësi për të gjithë ata oficerë, të cilët kanë kryer këto akte të gabuara”.
