Është çelur vetëm para pak minutash seanca plenare për miratimin e draftit të dekriminalizimit, ku palët thuhet se kanë arritur në një dakordësi. Oerd Bylykbashi, nga Partia Demokratike në fjalën e tij para deputetëve thotë se: “Sot përpara kuvendit paraqitet një nga projekvendimet më të rëndësishme për votim që është projekvendimi për dekriminalizimin. Ky është akti i një beteje 2 vjeçare. Për fat të keq nuk u mjaftua me gërmën dhe frymën e Kushtëtuës. Kriminelët u morën për dore dhe u futën në parlament. Në do të kishim jetuar shumë më mirë nëse nuk do kishim nevojë për një akt të tillë për dekriminalizimin. Ky është një projektligj i detajuar që nuk lë shteg që kriminelët të futen në parlament, por edhe që dikush nesër të thotë: “Nuk e dija dhe i futa”
