Një shkrimtar kinezo-australian është arrestuar në Kinë me akuza për spiunazh.
Yang Hengjun mbahet në Pekin që nga janari në kushte të ashpra, tha Ministria e Jashtme e Australisë. Në një deklaratë ministrja Marise Payne tha se qeveria e Australisë ishte “shumë e shqetësuar dhe e zhgënjyer” kur mësoi lajmin për arrestimin e shkrimtarit.
“Ne kemi shqetësime serioze për mirëqenien e Dr. Yang, dhe për kushtet në të cilat ai po mbahet,” shtoi ajo.
Gjatë këtyre 7 muajve Australia i ka kërkuar Kinës lirimin e shkrimtarit i cili gjatë kësaj periudhe është mbajtur nën arrest pa akuza. /Opinion.al
