Policia e Elbasanit ka vënë në pranga një nga personat e përfshirë në plagosjen e trefishtë dy ditë më parë në një lokal në afërsi të Pallatit të Sportit “Tomorr Sinani”.
I arrestuari quhet Ilirjan Bezhani ndërkohë që ende nuk bëhet i ditur roli i tij në dinamikën e ngjarjes. Ndërkaq vazhdon të jetë në kërkim Genti Faqja, i dënuar më parë për vrasje.
Konflikti i dy ditëve më parë dyshohet se është shkaktuar për shkak të borxheve. Si pasojë mbetën të plagosur me armë zjarri Mihal Kocashi e Astrit Cërriku ndërsa Fezi Ago mori plagë të lehta në sy si pasojë e goditjes me qytën e armës. Fatmirësisht ata ndodhen jashtë rrezikut për jetën. /Opinion.al
