Një ngjarje e rëndë është parandaluar nga Policia e Korçës ditën e sotme. Mësohet se 26 vjeçarja V.Sh, ka tentuar të vrasë me sëpatë bashkëjetuesin e saj, por policia ka ndërrë në kohë. Shkak mendohet të jetë një konflikt mes tyre.
“Më datë 04.05.2017, në numrin 129 të Policisë, ka telefonuar një shtetase e cila ka kërkuar ndihmën e Policisë, pasi në fshatin Pojan, në banesën e shtetases të mësipërme kishte një konflikt. Menjëherë pas marrjes të kësaj telefonate janë njoftuar shërbimet e Policisë, të cilat janë paraqitur në vendngjarje,” shkruhet në njoftimin e policisë.
Vjollca Shkëmbi, pas një konflikti për motive të dobëta, ka tentuar të vrasë me mjet të mprehtë (sopatë), bashkëjetuesin e saj shtetasin N.K, 44 vjeç, banues në Maliq, të cilit i ka shkaktuar plagë të lehta në trup. Pas mjekimit të marrë në Spital ky i fundit është larguar në banesë.
Në cilësinë e provës materiale në banesë u gjet dhe sekuestrua mjeti me të cilin është goditur N.K. Materialet për hetime të mëtjeshme i kaluan Prokurorisë të Krimeve të Rënda në Tiranë.
