Një 19-vjeçar është arrestuar nga Policia e Kurbinit pasi ishte shpallur në kërkim për krime kundër personit dhe armëmbajtje pa leje.
Në momentin që ka konstatuar forcat e policisë, i riu ka tentuar të largohet me makinë. Pasi është arrestuar, efektivët i kanë gjetur 19-vjeçarit një pistoletë me mulli dhe municion luftarak.
Paulor Noka ishte shpallur në kërkim pasi Gjykata, në vitin 2023, i ka caktuar masën e sigurisë “Arrest në burg”, për veprat penale “Vrasja në rrethana cilësuese”, mbetur në tentativë dhe “Armëmbajtja pa leje”.
Më datë 25.03.2023, në Kurbin, ai dyshohet se ka qëlluar me armë zjarri në drejtim të baneses së shtetasve K. N dhe E. N.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
