Një burrë saudit i dyshuar për përfshirje në vrasjen e gazetarit Jamal Khashoggi është arrestuar sot në Francë, shkruan BBC.
Khaled Aedh Alotaibi është arrestua në aeroportin Charles-de-Gaulle të martën, raportojnë mediat franceze.
Ai është një nga 26 sauditët e kërkuar nga Turqia për vrasjen e gazetarit.
33-vjeçari, ish-roja mbretërore saudite po udhëtonte me mjete identifikimi me emrin e tij dhe pas arrestimit është dërguar në qelitë e paraburgim gjyqësor, tha radio RTL.
Gazetari Khashoggi, një kritik i shquar i qeverisë në Riad, u vra në konsullatën saudite në Stamboll në tetor 2018.
Arabia Saudite tha se ish-gazetari i Washington Post ishte vrarë në një “operacion mashtrues” nga një ekip agjentësh të dërguar për ta bindur atë të kthehej në mbretëri.
Por zyrtarët turq thanë se agjentët vepruan me urdhra nga nivelet më të larta të qeverisë saudite.
Vrasja shkaktoi një bujë globale dhe dëmtoi imazhin e sundimtarit de fakto të Arabisë Saudite, Princit të Kurorës Mohammed bin Salman. Ndërsa ai ka mohuar çdo rol në vrasjen e gazetarit./Opinion.al
