TIRANE- Eshtë arrestuar sot një nga personat më të rrezikshëm i shpallur në listën e Interpol si 10 më të kërkuarit. Ai është 49 vjeçari David Gjokeja, i dënuar me burg përjetë, nga fshati Derven i Krujës, i cili ka qendruar në arrati prej 11 vitesh. Në Maj të vitit 2015 David Gjokeja bashkë me dy vëllezërit e tij ka vrarë dy persona, njëri prej tyre vetëm 13 vjeç. Historia 20 vjeçare e gjakmarrjes mes fisit Gjokeja
Përmes një njoftimi për shtyp policia bëri të ditur lajmin e arrestimit dhe mënyrë se si ra në pranga ky i shumëkërkuar.
Policia Kufitare Kakavijë ndalon 49 vjeçarin, David Gjokeja nga Kruja i dënuar me burg përjetë. Ai u deportua nga Greqia dhe në Kakavijë dha për policinë gjeneralitete të rreme.
“Nga verifikimet e bëra në sistemin TIMS nga Policia Kufitare, si dhe nga konfirmimet e ardhura nga Drejtoritë Vendore të Policisë rezultoi se gjeneralitetet e dhëna nga ky shtetas ishin të rreme”, tha policia.
“Ky shtetas figuron person i shpallur në kërkim, i dënuar me burgim të përjetshëm për vrasjet e shtetasve E.Gj dhe A.Gj.
Policia Kufitare Kakavije ka bërë ndalimin e këtij shtetasi dhe ka njoftuar Policinë Durrës për veprime të mëtejshme”, thuhet në njoftim.
/Opinion.al
