Që Kylie-t i pëlqejnë “djemtë e këqinj” këtë e kemi vërtetuar prej kohësh, por në këtë situatë, bukuroshes së vogël Jenner, nuk i ka ndodhur të jetë më parë. Sapo u nda nga Tyga, ajo u përfshi në një romancë me një tjetër reper, Travis Scott-in, i cili me sa duket nuk i ka punët aspak mirë. Ndërkohë që performonte në Arkansas, shfaqja e tij ka dalë jashtë kontrollit. I dashuri i Kylie-t ka përfunduar i arrestuar, pasi ka shkaktuar trazira, duke i nxitur fansat të dalin jashtë kontrollit. Prej kësaj situate, disa nga të pranishmit janë lënduar, mes tyre dhe një punonjës i sigurisë. Sipas TMZ-së, qëllimi i reperit ka qenë vetëm të kënaqë maksimalisht fansat e tij dhe kurrsesi të lëndojë dikë.
Gjithsesi, shfaqja u ndërpre nga policia dhe ai përfundoi në rajon, si shkaktar i kaosit gjatë shfaqjes. Edhe pse pas pak orësh u lirua, pritet që reperi të dalë përpara gjykatës. Telash si ky, (jo i lehtë, por i zgjidhshëm) bëhet më i lehtë për reperin, kur të paktën e di që e dashura e tij do të jetë aty për ta mbështetur, pasi që prej fillimit, ata bënë publike se ndjenjat për njëri-tjetrin janë diçka serioze./Anabel
