Prokuroria për Krime të Rënda dhe Policia e Shtetit urdhëruan arrestimin e biznesmenit Ervin Braho për akuzën e “korrupsionit”.
Biznesmeni Braho, është kallëzuar nga gjyqtarja e Gjykatës Administrative në Tiranës, Selvije Gjonçaj pasi ka tentuar të korruptojë me shumën prej 5 mln lekë të vjetra.
Burimet thonë se 35 vjeçari Ervin Braho prej vitesh merret me biznesin në fushën e hekurit me dy kompani të ndryshme, ku është bashkëortak edhe në ndërtimin e hidrocentralit të Shkopetit dhe HEC-in mbi lumin Mat.
Sipas akuzës, Braho ka hapur një process gjyqësor prej gati dy vitesh në Gjykatën Administrative ku ka paditur Ministrin e Ekonomisë, nga e cila kërkon një shumë të konsiderueshme parash në formën e dëmshpërblimit.
Kjo padi, mësohet se është bërë nga kompnia “ALBANIAN HIDROPOWER 2013” e cila në nëntor të 2014 ka fituar tenderin për ndërtimin e HEC-it mbi lumin Mat.
Por bllokimi i kësaj kontrate, e ka detyruar Brahon të bëjë padi në Gjykatën Administrative duke kërkuar dëmshpërblim nga Ministria e Ekonomisë për prishjen e kontratës së njanshme. Për të fituar në favor të tij procesin gjqyësor, mësohet se biznesmeni Braho ka takuar në zyrë gjyqtaren Gjonçaj.
Në bisedë e sipër 35 vjeçari i shpallur në kërkim i ka lënë në zyrë një zarf me shumën prej 5 mln lekë të vjetra gjyqtares dhe është larguar.
Kundërshtimeve të gjyqtares, thuhet në kallëzim, biznesmeni Braho i është përgjigjur me buzëqeshje. Ai nuk ka pranuar të marrë mbrapsht zarfin dhe është larguar nga ndërtesa. Në këto kushte, gjyqtarja ka njoftuar policinë dhe prokruorin për krime të rënda, ku edhe ka deponuar kallëzimin penale.
Mësohet se janë sekuestruara parat, pamjet filmike të gjykatës ku duket qqartë momentin kur biznesmeni Braho hy dhe del nga zyra e gjyqtares si dhe këresa që sekretarja e gjyqtares i bënë në koridor biznesmenit Braho që të kthehet të marr zarfin.
Nga ana tjetër, burimet thonë se pak muaj më parë Biznesmenit Braho i është vendosur tritol në nakinën e tij në Pogracdec, ku për pasojë ka marrë disa plagë.
