Këngëtari Aleksandër Gjoka ka rënë në prangat e policisë pasi u kap duke drejtuar mjetin në gjendje të dehur.
Gjoka është ndaluar në rrugën “Sotir Caci” duke drejtuar një mjet tip ‘Chevrolet”, dhe pas testimit rezultoi në gjendje të dehur në masën 0.66 mg/l.
Njoftimi:
Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: A. Gj., 60 vjeç, banues në Tiranë.
Arrestimi i tij u bë pasi më datën 23.12.2019, rreth orës 00.15, është ndaluar nga shërbimet e Komisariatit të Policisë Nr 4 në rrugën “Sotir Caci” duke drejtuar mjetin veturë, tip ‘Chevrolet”.
Pas testimit me aparat “Drager”, nga shërbimet e Policisë Rrugore rezultoi se ky shtetas drejtonte mjetin në gjendje të dehur në masën 0.66 mg/l.
Materialet i kaluan Prokurorisë se Rrethit Gjyqësor Tiranë, për veprën penale “Drejtimi i automjeteve në mënyrë të parregullt” .
