Një grua 48-vjeçare ka përfunduar në prangat e policisë së kryeqytetit pasi akuzohet se në mënyrë
sistematike ka përndjekur një shtetas 31 vjeçar. Policia tha se gruaja me iniciale E. Idrizi u arrestua.
Mësohet se kjo e fundit, për rreth një vit me radhë ka përndjekur të riun me iniciale F.P., duke i shkaktuar atij
edhe shqetësime në familje. Sakaq, burime pranë uniformave blu sqaruan se kallëzimi në polici është bërë nga familjarë të 31 vjeçarit.
Menjëherë pas kësaj, efektivë të Komisariatit Nr.2 bënë të mundur edhe vënien në pranga të gruas 48-vjeçare.
Të njëjtat burime pohuan se të dy këta persona i kanë banesat në të njëjtën lagje.
Ndërkohë, gjatë dëshmisë së saj Idrizi nuk e ka pranuar akuzën që i është ngritur. Ajo është shfaqur e habitur
teksa merrej në pyetje, duke sqaruar se nuk ka asnjë lidhje me 31-vjeçarin F.P. dhe familjen e tij.
Ndërsa, burimet e sipërpërmendura thanë më tej se shkak i ngjarjes mund të ketë qenë një lidhje që ata mund të kenë pasur me njëri-tjetrin.
