Një 31-vjeçar është arrestuar nga policia pasi dyshohet se ka abuzuar seksualisht me një vajzë të mitur.
Uniformat blu kanë bërë dije se në pranga ka rënë E.Q, banues në Tiranë.
Sipas informacioneve ngjarja dyshohet se ka ndodhur 3 ditë më parë.
Policia arrestoi të riun menjëherë pasi e mitura ishte paraqitur në spital për ndihmë mjekësore pasi ishte abuzuar seksualisht.
“Shërbimet e Komisariatit të Policisë Nr. 4, në vijim të punës për goditjen e paligjshmërive dhe kapjen e autorëve që kryejnë vepra penale, pas njoftimit të marrë se një shtetase e mitur, ishte paraqitur në spital për ndihmë mjekësore, dhe dyshohej se ishte abuzuar seksualisht, menjëherë kanë organizuar punën për dokumentimin e plotë ligjor dhe vënien përpara përgjegjësisë penale, të autorit të dyshuar.
Si rezultat i punës intensive hetimore, u bë identifikimi, kapja dhe ndalimi i shtetasit E. Q., 31 vjeç, banues në Tiranë.
Ky shtetas, më datë 11.02.2024, dyshohet se ka abuzuar seksualisht me një shtetase të mitur”, njofton policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./Opinion.al
