Arsyeja se përse 7 zona të qytetit të Durrësit nuk kanë pasur energji elektrike ka qenë një 29-vjeçar i cili vidhte kabullin elektrik.
Sipas informacioneve nga policia bëhet e ditur se sot është finalizuar operacioni “Elektricisti” duke arrestuar në flagrancë i shtetasin J.D.,29 vjeç, banues në lagjen Nr.16, Durrës.
Ai nuk ishte një emër i panjohur për drejtësinë pasi ishte dënuar më parë për shitje lëndësh narkotike, megjithatë policia njofton se ky shtetas kishte njohuri të posaçme si elektricist. Kështu që gjatë një jave ka vjedhur kabullin elektrik të furnizimit me energji elektrike në bokset kolektive të matësve elektrikë në disa lagje të qytetit të Durrësit duke i lënë banorët pa energji elektrike.
Pas kallëzimeve dhe ankesave të qytetarëve për këtë fenomen specialistët për Hetimin dhe Parandalimin e Krimeve në Komisariatin e Policisë Durrës
Në cilësinë e provës materiale u sekuestruan sendet që përdorte për të kryer vjedhjet si dhe një sasi tel bakri.
Materialet hetimore i kaluan Prokurorisë pranë Gjykatës së Shkallës së Parë Durrës në ngarkim të shtetasit të mësipërm për veprat penale “Vjedhja”, më shumë se një herë dhe “Shkatërrimi i rrjetit elektrik”. /Opinion.al
