Policia e Shkodrës ka arrestuar një 28-vjeçar pasi akuzohet për kultivim të bimëve narkotike. I arrestuari është identifikuar me inicialet P. B. 28 vjeç, banues në fshatin Prekal të Shkodrës.
I riu u arrestua pas kontrollit të territorit me dron nga autoritetet, ku u zbulua se 28-vjeçari kishte hapur një sipërfaqe toke në një zonë të pyllëzuar në njësinë administrative Pult për kultivimin e bimëve narkotike.
Njoftimi i policisë
Vijojnë kontrollet e pandërprera të territorit për parandalimin e kultivimit të bimëve narkotike.
Kontrollet nga toka me grupe kontrolli dhe nga ajri me dronë e helikopter.
Finalizohet operacioni policor “Pult”
Si rezultat i konstatimit me dronë, kapet dhe arrestohet në flagrancë në tentativë për kultivim të bimëve narkotike një 28 vjeçar
Nga strukturat e Komisariatit të Policisë Shkodër pas informacioneve të marra në rrugë operative dhe kontrollit të territorit me dronë, u bë lokalizimi i një shtetasi i cili në një zonë të pyllëzuar në njësinë administrative Pult, kishte hapur një sipërfaqje toke enkas për të kultivuar kanabis.
Mbi bazën e filmimeve dhe informacioneve u organizua operacioni policor i koduar “Pult”, në kuadër të të cilit pas mbajtjes nën vëzhgim u bë kapja dhe arrestimi në flagrancë, i shtetasit P. B. 28 vjeç , banues në fshatin Prekal, Shkodër, në tokën që kishte hapur dhe kishte kultivuar fidanët narkotikë.
Kontrollet e territorit po vijojnë pa ndërprerje me qëllim parandalimin dhe goditjen e veprimtarisë kriminale të kultivimit të kanabisit
Materialet hetimore iu referuan Prokurorisë së Rrethit Gjyqësor Shkodër, për veprën penale “Kultivimi i bimëve narkotike”./ Opinion.al
