Policia e Shtetit ka arrestuar tre persona në Tiranë për prodhim dhe tregtim të produkteve të falsifikuara.
Specialistët e Krimit Ekonomik-Financiar, kanë finalizuar me sukses ditën e sotme operacionin “Clean 2016” në zonën e Misto Mames, ku disa persona ushtronin aktivitetin e jashtëligjshëm të prodhimit, ambalazhimit dhe shitjes së produkteve të falsifikuara.
Shtetasit e arrestuar janë Arben Dragani, 47 vjeç, banues në Tiranë, ish punonjës i policisë bashkiake, i dënuar më parë për të njejtën vepër penale. Lirie Këllëçi, 47 vjeçe, banuese në Tiranë, si dhe Altin Hoxha, 41 vjeç, banues në Tiranë.
Shtetasit e lartpërmendur, kishin marrë një banesë me qira në zonën e Misto-Mames, të cilën e përdornin për prodhimin e detërgjentëve dhe shampove të markave të ndryshme, si: Ace, Fairy, Mastro Lindo, Frutis, Ëash & Go, Pantene, Nivea etj.
Atyre iu është sekuestruar në cilësinë e provës materiale detergjentë të markave të ndryshme, shampo të markave të ndryshme, si dhe materiale të tjera, që ndihmonin për të nxjerr në treg produktet e falsifikuara.
Materialet e sekuestruara iu kaluan Prokurorisë.
