Pas një operacioni të ndërmarrë nga policia e Tiranës për goditjen e një rrjeti të trafikimit të qenive njerëzore, 5 persona janë ndaluar dhe tre prej tyre proceduar në gjendje të lirë. Këta persona janë ndaluar në Morinë në momentin që po tentonin të kalonin kufirin, me synim dërgimin e vajzave në Gjermani për prostituim. Gjatë operacionit të quajtur “Rekrutimi”, u sekuestruan dy karta identiteti Rumune të falsifikuara, 4 bileta avioni, 7 telefona, 1500 € si dhe një automjet taksi i cili bënte transportin.
Të arrestuarit janë I.Qama 23 vjeçe, Ledian Gjoni 28 vjeç, Ardit Shmilli 24 vjeç, Zamir Hodo 31 vjeç dhe A.Qama 25 vjeçe, ku dy prej vajzave rezultojne te jene motra.
E përfshirë me trafikimin e vajzave dyshohet të jetë dhe shtetasja Rumune me inicialet P. C. e cila dyshohet se ishte personi pritës në Gjermani.
