Tre shqiptarë kanë rënë në prangat e policisë britanike për përfshirjen e tyre në prodhimin e kanabisit, ndërkohë që se vlera e drogës ka arritur në 137.000 Paund.
Dy djemtë dhe një vajzë nga Shqipëria gjendeshin në Britani në mënyrë ilegale. Islam Gjuta, Valbona Furriku dhe Lumjan Matmuja janë dënuar nga drejtësia britanike për prodhimin dhe shpërndarjen e lëndëve narkotike. Pasi ranë në prangat e policisë të tre shqiptarët pranuan se ishin marrë me prodhimin e drogës. Ndërkohë Gjuta dhe Matmuja pranuan se janë marrë edhe me furnizim të drogës.
Gjuta dhe Furriku pranuan edhe përdorimin e dokumetave fals. Ajo u dënua me gjashtë muaj burg dhe sapo të përfundojë dënimin do të deportohet në Shqipëri. Ndërkohë Islam Gjuta u dënua me tre vite burg, ndërsa Lumjan Matmuja u dënua me nëntë muaj burg. Të tre shqiptarët nuk kishin dënime të tjera më parë.
Aksioni i policisë ka nisur që në dhjetor të vitit 2018 dhe ka zgjatur deri në 7 janar të këtij viti ku janë sekuenstruar 160 rrënjë kanabisi të prodhuara në dy shtëpi të ndryshme në Leeds. Gjatë kërkimeve janë gjetur gjithashtu edhe 11 çanta të mëdha që kishin drogë, vlera e së cilës ka arritur në 94.000 Paund.
Sipas policisë britanike më 6 dhjetor të vitit të kaluar 23-vjeçari shqiptar Islam Gjuta i ka paraqitur policisë një leje drejtimi false dhe ditë më vonë ai është parë të largohej nga një shtëpi në Vinery Terrace me një çantë të madhe duke hyrë më pas në shtëpinë e Lumjan Matmujës në Gledhow. Në të dyja shtëpitë autoritetet gjetën kanabis. Policia gjeti drogë edhe në shtëpinë e 32-vjeçares Furriku./Xh.K/Opinion.al/
