Pesë persona të akuzuar për vepra të ndryshme penale janë arrestuar nga Policia e Durrësit.
Tre shtetas janë arrestuar pasi kanë kundërshtuar punonjësit e Policisë dhe prishën rendin e qetësinë publike.
Ndërkohë një tjetër shtetas 49-vjeçar, u arrestuar pasi drejtonte mjetin në gjendje të dehur dhe pa autorizim për të lëvizur.
“Pas njoftimit të marrë se disa persona po prishnin qetësinë publike, policia ka shkuar menjëherë në adresën e dhënë dhe në momentin që punonjësit e Patrullës së Përgjithshme kanë ndërhyrë për t’i shoqëruar në ambientet e Policisë, pasi kishin prishur rendin e qetësinë dhe kishin dëmtuar disa sende, tre shtetas kanë kundërshtuar punonjësit e Policisë. Me ndërhyrjen dhe të disa shërbimeve të tjera janë shoqëruar në Polici dhe në përfundim të veprimeve janë arrestuar në flagrancë për veprat penale “Kundërshtim i punonjësit të policisë”, “Prishja e qetësisë publike”, shtetasit A. A., 24 vjeç, F. Sh., 21 vjeç dhe E. K., 25 vjeç, i dënuar më parë për veprën penale “Vjedhja” – njofton policia.
Po ashtu, arrestohet dhe një 44-vjeçar, për veprën penale “Vjedhja e mbetur në tentativë”. Autori i dyshuar K. A., u arrestua në flagrancë, pasi u kap nga shërbimet e Policisë në lagjen nr. 3, Durrës, duke tentuar të vjedhë në banesën e shtetasit N. B./ Opinion.al
